حلقہ ایل اے 24 بلوچ سے میجر (ر)سردار مشتاق احمد سدوزئی اپنے ساتھیوں سمیت تحریک انصاف میں شامل ہو گئے

اس بات کا اعلان انھوں نے آج یہاں پی ٹی آئی آزاد جموں و کشمیر کے مرکزی سیکریٹیریٹ گلبرگ اسلام آباد میں آزاد کشمیر کے سابق وزیراعظم و پاکستان تحریک انصاف آزاد جموں وکشمیر کے صدربیرسٹر سلطان محمود چوہدری کی موجودگی میں منعقدہ ایک تقریب میں کیا۔

اس موقع پر حلقہ ایل اے 24 بلوچ سے میجر (ر)سردار مشتاق احمد سدوزئی کے ہمراہ پی ٹی آئی آزاد جموں و کشمیر میں شمولیت اختیار کرنے والوں میں سردار خلاد بلوچ، سئنیر نائب صدر مسلم لیگ ن یوتھ ونگ، سردار عبدالعزیز، سردار غلام شبیر انقلابی،سردار مبارک علی، سردار عدنان عارف، صوبیدار (ر)محمد شمیم،صوبیدار (ر) محمد افضل،سردار نعیم خالق، حاجی سردار مسعود،حاجی حوالدار محمد یونس،سردار محمد حفیظ،سردار صداقت جاوید، سردار محمد الطاف، حافظ سردار محمد الیاس، سردار عدنان منیر، سردار عرفان منیر، سردار عبدالغفور،سردار کفایت علی، سردار مبارک حسین، سردار سرفراز، سردار عثمان غنی، سردار محمدع الیاس، سردار حماد افتخار،سردار مشتاق حسین، سردار مطلوب حسین، سردار حنیف، سردار محمد اشرف، سردار محمد عنایت، سردار محمد سعید، حافظ سردار امجد، سردارمحمد نصیر، سردار وزیر حسین، سردار طیب امتیاز، سردار غلام رسول، سردار محمد ریاست، سردار سرفراز، سردار محمد زمان، محمد تاج یعقوب، سردار محمد یعقوب، عبدالرحمن اور دیگر شامل ہیں۔

جبکہ اس موقع پر تقریب میں سابق مرکزی سیکریٹری اطلاعات سردار امتیاز خان،پی ٹی آئی کے امید وار اسمبلی سردار فہیم ربانی،پی ٹی آئی کے امید وار اسمبلی سردار ارزش، اسحاق طاہر، ڈاکٹر عابدین،راجہ گلفراز،راجہ شجاعت، سردار سعید، سردار فراز، سردارماجد شریف،ساجد عباسی، راجہ سجاد اور دیگر بھی شریک تھے۔

اس موقع پرشمولیتی تقریب سے خطاب کرتے ہوئے آزاد کشمیر کے سابق وزیراعظم و پاکستان تحریک انصاف آزاد جموں وکشمیر کے صدربیرسٹر سلطان محمود چوہدری نے کہا کہ پی ٹی آئی آزاد جموں وکشمیرکے اقتدار کا سورج اب طلوع ہونے کو ہے اور جوق در جوق عوام کی پی ٹی آئی آزاد جموں و کشمیر میں شمولیت اس بات کا اشارہ ہے کہ آزاد کشمیر کے عوام اب کرپٹ ٹولے سے نجات حاصل کرنا چاہتے ہیں اورتبدیلی چاہتے ہیں

اوراسی لئے آئے روز لوگ بڑی تعداد میں عمران خان کے ویژن کے آگے بڑھانے کے لئے پی ٹی آئی آزاد جموں وکشمیر کے پلیٹ فارم پر اکھٹے ہو رہے ہیں۔

پی ٹی آئی آزاد جموں و کشمیر آزاد کشمیر کے آئندہ انتخابات میں ووٹ کی پرچی کی طاقت سے انشاء اللہ لینڈ سلائیڈ وکٹری حاصل کرے گی۔

پی ٹی آئی آزاد جموں و کشمیر حکومت میں آکر تمام طبقات کو بلا تفریق انکے حقوق دلوانے کے لئے اپنا بھرپور کردار ادا کرے گی اور آزاد کشمیر میں تعمیر و ترقی اور عوام کی خوشحالی کے لئے بڑی پراجیکٹس شروع کرے گی۔

اس موقع پر بیرسٹر سلطان محمود چوہدری نے پی ٹی آئی آزاد جموں و کشمیر میں شمولیت اختیار کرنے والوں کو فرداً فرداً ہار پہنائے اورپارٹی میں شمولیت اختیار کرنے والوں کو خوش آمدید کہتے ہوئے کہا کہ آپ لوگ عوامی خدمت کے جذبے سے سرشار ہو کر پی ٹی آئی آزاد جموں و کشمیر میں شامل ہوئے ہیں آپ لوگوں کو مایواسی نہیں ہو گی اور آپ لوگوں کو پارٹی میں جائز مقام دیا جائے گا۔۔