کے ٹی وی نیٹ ورک“کو اشاعت کا آغاز کئے 3سال ہو چکے، الحمد اللہ یہ اپنی تیسری سالگرہ منا کر چوتھے سال میں قدم رکھ چکا۔ اس کے گزرے ہوئے سال ہموار، یکساں اور آسان نہیں تھے۔ کے ٹی وی نیٹ ورک“ کو بھی اپنے پیارے وطن عزیز آزادکشمیر وپاکستان کی طرح نشیب و فراز سے گزرنا پڑا۔ مشکلات کا سامنا کرنا پڑا اور مصائب کی بھٹی میں سلگنا پڑا لیکن اللہ تعالیٰ کے فضل و کرم سے اس نے ہر آزمائش کا مردانہ وار مقابلہ کیا۔ قلم، عزت اور حرمت پر کوئی سمجھوتہ نہیں کیا۔ اللہ کی زمین پر اللہ کی حکومت اور اللہ کے بندوں کے ذریعے حکومت پر اصرار کرتا رہا۔
کے ٹی وی نیٹ ورک نصٖف صدی سے زائد عرصہ سے کشمیر پربھارت کے جبری تسلط اور ریاست جموں کشمیر کی آزادی کیلے کوشاں ہے
کے ٹی وی نیٹ ورک اس بات پر عزم مصصم رکھتا ہے کہ ریاست جموں کشمیر کی آزادی،کشمیر کے وسائل اور اس میں بسنے والے تمام شہریوں کیلے کوشش کاوش کرے گا یہ ادارہ آزاکشمیر اور پاکستان کے سب بچوں کو یکساں تعلیم دینی چاہئے۔ پاکستان و آزادکشمیرکے ہر شہری کو ارزاں علاج کی سہولت حاصل ہونی چاہئے۔ اس وقت پاکستان و آزادکشمیرپر مخصوص طبقات نے قبضہ کر رکھا ہے، اس کے وسائل مخصوص ٹولوں نے اپنی گرفت میں لے رکھے ہیں۔ اسلامی جمہوریہ پاکستان میں نئے نئے برہمن پیدا ہو رہے ہیں، پاکستان حاصل کرنے والے، اس کےلئے جان لڑانے والے، اس کو اپنے پسینے سے توانائی فراہم کرنے والے شودر بنا کر رکھ دیئے گئے ہیں۔ امیروں کے سکول، ہسپتال، بستیاں حتیٰ کے قبرستان بھی الگ ہیں۔ صحت اور تعلیم کو تجارت بنا دیا گیا ہے۔ غریب کے ہونہار بچے امراءکی نالائق اولادوں کے سامنے بے بس ہیں۔ کے ٹی وی “ کے بالادست طبقات کو انسان بنانے، انسانیت سکھانے کا مطالبہ کرتا ہے اور کرتا رہے گا۔ ” کاخ امراء“ کویاد دلاتا رہے گا کہ در و دیوار ہلا دینے والوں سے ڈرو، اس وقت سے ڈرو جب خدا کے عذاب سے پہلے عوام کا عذاب تم پر نازل ہو جائے۔